بالبدايه كل الهلا بطلاب العلوم
طبعا كليه العلوم تتميز بنظام خاص غير كل الكليات
الي اعرفه انه هي وكم كليه بالعراق كله يمشون بنفس النظام وهو نظام المقررات
يعني المواد تقسم حسب الساعات الى وحدات
ولمن يستوفي الطالب فد عدد محدد من الساعات تقريبا 143 وحده يتخرج ويكون السقف الزمني المحدد للطالب 6 سنوات
يعني شبعووووو ههههههههه
طبعا الطاالب مرحله اولى يجي مثل الاطرش بالزفه يصير وجهة اصفر كبال الجدول شوي ويبجي
بس بعدين يلكه واحد طيب يسويله الجدول ويعلمه عليه
الاقسام الموجودة بالكليه هي
1_ الحاسبات
2_بايو (الله ربه الينقبل ههه)
3_كيمياء
4_فيزياء
5_جيولوجي
والرياضيات بس الريضايات يكون قبوله خاص لوحده ما يدخل وي باقي الاقسام
طبعا كل قسم بيه نوعين من المقررات
المقررات الاجباريه
وهي المقررات الي الطالب لازم يدرسها (غصبا عليه ههههههه)
المقررات الاختياريه وهي مواد الطالب اله الحق باختيار الماده الي تعجبه حسب رغبته والمفروض يجمع عدد معين من المقررات الاختياريه تقريبا 13 وحده
شغله ثانيه المقررات تنقسم الى ممهدات ومكملات
ما يصير الطالب ياخذ ماده مكمله وهو ما ماخذ الماده الممهده الها
وبالتوفيق
الإثنين سبتمبر 24, 2007 12:08 pm