برجك برجك برجك . . . التحشيشي

برجك هذا اليوم..نرجو لكم المتعة و الفائدة
الحمل:
اسبوع حافل بالاحداث المؤثرة على مجرى حياتك الاجتماعية و الاقتصادية،و راح تروح سفرة لراس الشارع و تلكاه اصلع،رقم الحظ -13 يوم السعد السبت الفات
الثور:
انت برج الثور,مبروك راح تصير دكتور,ستمر بفترة صعبة جدا لكنك ستجتازها و يحصل انفراج نفسي,لانك راح تشتغل تكسي,رقم الحظ 40 يوم السعد البارحة..
الجوزاء:
فترة انتقالية تشهدها حياتك و سوف تعاني مثلما عانت الحكومة الانتقالية من جيرانك,فاحرص على تناول حبة فاليوم 10 قبل النوم,رقم الحظ صفر..يوم السعد لو الجمعة لو الاربعاء..بس عل أكثر الثنين..
السرطان:
برج السرطان,راح تشرب جاي بالاستكان,و راح تشيلون للإسكان,و احتمال تشتري تلفزيون من بيت فنجان,بس راح يطلع خربان..رقم الحظ 34563..يوم السعد مو الثلاثاء
الاسد:
راح ترجع للبيت,تلكة المرة مطابخة,كلشي لتكوللهه,و اذا غلطت عليك و ضربتك بالـــ....،ابلعهه كالأسد..رقم الحظ,هو وينه الحظ؟..يوم السعد اليوم..هنيالك!!
العذراء:
هذه الفترة غير ملائمة لإقامة علاقات عاطفية,لان طبيعتكم الديالكتيكية,لا تنسجم مع الخواص الميتافيزيقية للحبيب,فلا يحصل انجذاب الكتروستاتيكي,رقم الحظ..ما ادري..يوم السعد..الجمعة يم باته
الميزان:
ستشهد هذا الاسبوع تحسناً مالياً ملحوظاً فإحرص على اغتنام الفرصة و اشتري كيلو بقلاوة,لأن ملّينة من الحلاوة..رقم الحظ 07901.. يوم السعد عكب باجر
العقرب:
اعمل بمبدأ (الإشترا...كية) يعني اشتري كيا و اشتغل بيهه احسن من الكعدة لأن ترة ماكو تعيين بس للعِرف..رقم الحظ..نفس رقم الكيا..بس هو فردي لو زوجي؟...يوم السعد..نايم بعده ما كعد
القوس:
انتم اذكياء و ذوي خبرة عظيمة في مجال عملكم و ستأتيكم جنطة بيهه فلوس..شايلهه ابنكم المحروس..و بيده الثانية فانوس,رقم الحظ 444..يوم السعد..اليوم تلاثة و نص الفجر
الجدي:
المنحوس منحوس,خطية ابو القوس عثر ابنه المحروس..و احتركت الفلوس بنار الفانوس..و انت لازم تساعده..لأنك متعاون..رقم الحظ 123456..يوم السعد..اليوم وكت العشة
الدلو:
انت تتمتع بروح الدعابة فأحرص على بقائها في شخصيتك,انت برج الدلو,قميصك حلو,تلفونك عراقنا لو ألو...رقم الحظ..شكد ميعجبك...يوم السعد اول البارحة..
الحوت:
لديك طموح و شجاعة عاليين,و ستحصل على ما تصبو اليه,لانك حوت,بس بيتكم بالكوت,و اليوصلهه يموت,رقم الحظ..ماكو رقم حظ الك..يوم السعد ..من تجوز من الجكاير..

شكرررررررررررررررررررررررررا ياغاليه

ههههههههههههههههههههههه شكرااااااااااااااااا

الجوزاء:
فترة انتقالية تشهدها حياتك و سوف تعاني مثلما عانت الحكومة الانتقالية من جيرانك,فاحرص على تناول حبة فاليوم 10 قبل النوم,رقم الحظ صفر..يوم السعد لو الجمعة لو الاربعاء..بس عل أكثر الثنين..


مشكوووووووووووووووره قلبي


اي والله يررررررادلي فاليوووووووووم


اليوم جمعه مصار شئ


يلا انتظر الاربعاء ورانه حاجه ههههههههههههههههههههههههههههههه